रुकुम । रुकुम पश्चिमको प्रसिद्ध धार्मिक स्थल बरालमष्ट मन्दिरमा विधिपुर्वक जमरा राखिएको छ । उक्त मन्दिरमा जमरा राख्ने साइत भने आफ्नै हुने गरेको छ । आज ९ बजे मन्दिरमा जमरा राखिएको हो ।

मन्दिरका उपासुले वत्ति बाले पछि जमरा राखिएको हो । मन्दिरमा घटस्थापनाको दिन जमारा राख्न र दशैँमा टिका लगाउने आफ्नै साइत छ । पञ्चाङ्ग निर्णायक समितिको साइत भन्दा फरक समयमा जमरा राख्नु र दशैँमा टिका लगाउनुको कारण राजा र देउताको साइत भएको बुढुमष्ट क्षेत्र विकास कोषका संरक्षक धुब्रराज केसीले जानकारी दिए । पञ्चाङ्ग निर्णायक समितिको साइत भनेको राजाले बनाएको धार्मिक मान्यता रहेको उनको भनाई छ । राजाको साइत भन्दा देवताको साइतनै राम्रो हुने भएकाले जमरा राख्ने र दशैँमा टिका लगाउने साइत फरक रहेको केसीको भनाई छ ।

देशका दुई वटा मन्दिरमा मात्र यो चलन रहेको छ । डोल्लाको त्रिपुरा सुन्दरी र रुकुम पश्चिमको बुरालमष्ट मन्दिरमा मात्र यो प्रचलन रहेको उनको भनाई छ । रुकुम पश्चिमको बुरालमष्ट मन्दिरमा दशैँको दिन विहान साढे ४ वजे देवताबाट दिक्षित भएकाबाट भक्तजनले टिकाग्रहण गर्ने गर्छन भने डोल्लाको त्रिपुरा सुन्दरी मन्दिरमा दशैँको दिन बेलुकाबाट मात्र टिका ग्रहणको काम हुने गर्छ ।

बुरालमष्ट मन्दिरमा आज विहान घटस्थापनाको दिन ९ वजे मन्दिरका उपास डिल्लीबहादुर रिजालले वत्ति बाले पछि पुजा सुरु भएको हो । सोह्रश्राद्ध सुरु भए देखि मन्दिरमा पुजाको काम रोकिएको थियो । आजबाट कोजाग्रत पुर्णिमा सम्म मन्दिरमा विषेश पुजा हुनेगर्छ । दशैँ सम्म उक्त मन्दिरमा दुई जना उपासु, एक जना व्रहामण, तिन जना पुजारी र एक जना देवताबाट दिक्षित पाएका दिक्षितले प्रत्यक दिन मन्दिरमा पुजा गर्ने गर्छन ।