रुकुम पश्चिम  । सिम्तामा मोटरसाईकल दुर्घटना हुदा रुकुम पश्चिमको एक युवाको मृत्यु भएको छ । आज शनिबार बिहान ७ः१५ बजेतिर सिम्ता गाउँपालिका–३ स्थित छिन्चु–जाजरकोट सडक खण्डमा नेपालगन्जतर्फ जाँदै गरेको मोटरसाइकल र विपरीत दिशाबाट आउँदै गरेको क.प्र.–०३–००१प–०३७९ नं. को मोटरसाइकल एक आपसमा ठोक्किएका थिए ।

रुकुम पश्चिमको चौरजहारी नगरपालिका –४ निवासी ३७ वर्षीय भुवन केसीको मोटरसाइकल दुर्घटनामा परेर मृत्यु भएको प्रदेश ट्राफिक कार्यालयले जनाएको छ । नेपालगन्जतर्फ जाँदै गरेको मोटरसाइकलका चालक समेत रहेका केसीको दुर्घटनामा परेर घटनास्थलमै मृत्यु भएको हो । यद्यपि उहाको मोटरसाइकल भेरी नदीमा खसेकाले अहिलेसम्म फेला परेको छैन । केसीको शव भने नदीको छेवैमा फेला परेको प्रहरीले जनाएको छ ।

कर्णाली प्रदेश ०३–००१ प ०३७९ नम्वरको मोटरसाईकल चालक आठविसकोट नगरपालिका वडा नम्वर ४ का ३० वर्षिय दिपक दाहाल र मोटरसाईकल ईलाका प्रहरी कार्यालय बाव्बेचौरस्थित प्रहरीले नियन्त्रणमा लिएको छ ।

मृतक केसीको मोटरसाईकल पछाडी वसेका चौरजहारी नगरपालिका वडा नम्वर ९ गुर्तालगाउँका १८ वर्षिय आषिस कुमार मल्ल र दाहाल सामान्य घाईते भएको बताईएको छ ।