बिमा कम्पनीद्धारा मृत्यु दाबी रकम हस्तान्तरण

टिका केसी

प्रकाशित मिति: २९, असार, २०८२

"13" Comments

रुकुम पूर्व । भुमे गाउँपालिका–६ महत स्थित एक परिवारलाई बिमाको दाबी रकम हस्तान्तरण गरिएको छ । महतका स्वर्गिय राजकुमार ओलीको परिवालाई नेशनल लाईफ ईन्स्युरेन्स रुकुम पूर्व शाखा कार्यालय मार्फत कुल १४ लाख रकम हस्तान्तरण गरिएको हो ।

शनिबार भुमे गाउँपालिका उपाध्यक्ष सविना बुढा मगरको बिशेष उपस्थितीमा मृतक ओलीकी श्रीमती सति बुढा ओलीलाई बैंक चेक मार्फत रकम प्रदान गरिएको ईन्स्युरेन्स कम्पनीका अध्यक्ष हिरा मल्लले जानकारी दिईन् ।

गत २०८१ सालमा बैदेशिक रोजगारीमा गएका राजकुमारको .उतै मृत्यु भएको थियो । त्यसअघि उनले ३ बर्षको अवधी राखेर बिमा गरेको अध्यक्ष मल्लले बताईन् । तर बिमा गरेको ५ महिना मै उनको मृत्यु भएपछी नियमानुसार उनको परिवारलाई बिमाको रकम हस्तान्तरण गरिएको उनको भनाई छ ।