जिल्ला अस्पतालमा आईपुग्यो नयाँ एम्बुलेन्स

बुकीन्यूज

प्रकाशित मिति: ७, असार, २०८२

"11" Comments

रुकुम पूर्व । जिल्ला अस्पतालमा नयाँ एम्बुलेन्स आएको छ । भारतिय दुताबासको सहयोगमा ‘क’ वर्गको एम्बुलेन्स आईपुगेको हो ।

यसअघि जिल्ला अस्पतालमा भएको एउटा एम्बुलेन्स पुरानो भैसकेको अवस्थामा भएकाले यो नयाँ एम्बुलेन्स ल्याएको निमित्त मेडिकल सुपरिडेन्टेन कृष्ण खरालले जानकारी दिए । अक्सिजन, मोनिटर र ईईडी मेसिन जडित यो एम्बुलेन्स फोर ह्विलर भएको उनको भनाई छ ।

तिनवटा पालिका रहेको रुकुम पूर्वको विकट पहाडी तथा हिमाली भेगबाट विरामी जिल्ला अस्पतालसम्म पुर्‍याउन र यहाँबाट रिफिर भएका विरामीलाई अरु अस्पतालसम्म पुर्‍याउन सहज हुनेछ ।