रुकुम पश्चिम  । पूर्व अर्थमन्त्री तथा प्रतिनिधिसभा सदस्य जनार्दन शर्माले भुकम्प प्रभावित क्षेत्रको अस्थायी आवास निर्माणको दोस्रो किस्ताको रकम आसार १५ गते सम्म लाभग्राहीको खातामा हाल्न आग्रह गरेका छन् । जिल्ला विपत व्यवस्थापन समितिको बैठकमा बोल्दै प्रतिनिधिसभा सदस्य शर्माले छिटो भन्दा छिटो सबै प्रक्रिया पुर्याएर दोस्रो किस्ताको रकम भुकम्प पिडितहरुलाई भुक्तानि दिन आग्रह गरेका हुन् ।

पालिकाहरुले अस्थायी आवास निर्माण भए नभएको, पहिलो किस्ता पाए नपाएको तत्काल अनुगमण गरि सो विवरण जिल्ला विपत व्यवस्थापन समितिमा पठाउन उनको आग्रह थियो । ‘भुकम्प प्रभावित क्षेत्रमा कति अस्थायी आवास निर्माण भएका छन्, कस्ता खालका स्थायी आवास निर्माण भएका छन्, तत्काल अनुगमण गर्नुहोस ।’, शर्माले भने ।

यो बर्ष जिल्ला विपत व्यवस्थापनमा आएको ४० करोड वितरण गरिसक्ने र १५ गते सम्म नपुगेको रकम माग गर्नु पर्ने उनको भनाई थियो । यो आर्थिक वर्षमा अस्थायी आवासको रकम भुक्त्तानि नभएमा अर्को आर्थिक बर्षमा रकम माग गर्न र निकासा गर्ने समस्या हुने उनको भनाई छ ।

त्यस्तै उनले भुकम्प पछि आउने विपतबाट बच्न प्रतिकार्यको योजना बनाउन पनि अनुरोध गरेका छन् । ‘भुकम्पका कारण सबै ठाउँमा जमिनमा धाजा फाटेको छ, पहिरोको जोखिम छ, राजमार्गहरु अवरुद्ध हुने जोखिम छन्, यस्ता बिषयमा पनि जिल्ला विपत व्यवस्थापन समिति, स्थानीय विपत व्यवस्थापन समिति र प्रकोपको क्षेत्रमा काम गर्ने संस्थाहरुले पनि तयारी गर्न अनुरोध गर्दछु ।’, शर्माले भने ।

दुई बर्ष भित्र जिल्लामा भुकम्पले क्षेती गरेको क्षेत्रमा पुणःनिर्माणको काम सक्ने गरि काम गरिने उनको भनाई थियो । ‘कार्यविधि निर्माण भैसकेको छ, यहि कार्यविधिको आधारमा हामि पुणःनिर्माणको काम गर्ने हो, सरकारले ५ लाख अनुदान दिन्छ त्यो रकमले घर निर्माण गर्ने हो ।’, उनले भने । घर, अन्य भवन सबै दुई बर्ष भित्रै निर्माण गरिसक्ने उनको भनाइ थियो ।।