रुकुम पश्चिम । रुकुम पश्चिमको मुसिकोट नगरपालिका वडा नम्वर १ ले जेष्ठ नागरिकहरुलाई छाता उपलव्ध गराएको छ । आज वडा कार्यालयमा बोलाएर जेष्ठ नागरिकहरुलाई छाता वितरण गरिएको हो । जेष्ठ नागरिक सम्मान कार्यक्रम अन्तरगत छाता वितरण गरिएको वडा अध्यक्ष ज्ञाणुचन्द्र चन्दले जानकारी दिए ।

६८ वर्ष उमेर माथिका जेष्ठ नागरिकहरुलाई सम्मानसँगै छाता समेत प्रदान गरिएको छ । जेष्ठ नागरिकहरुको सामाजिक योगदानको कदर गर्दै सम्मान गरिएको हो भने बर्षायामलाई मध्यनजगर गर्दै सहजताको लागि छाता उपलब्ध गराईएको हो । छाता जेष्ठ नागरिकहरुको लागि उपहार समेत भएको वडा अध्यक्ष चन्दले बताए ।

मुसिकोट नगरपालिका प्रमुख महेन्द्र केसीको प्रमुख आतिथ्यतामा भएको कार्यक्रममा जेष्ठ नागरिकहरुलाई सम्मान गरिएको हो । वडा कार्यालयको लक्षित वर्ग अन्तर्गतको कार्यक्रमबाट जेष्ठ नागरिकहरुलाई कार्यालयमै बोलाएर सम्मान गर्दै छाता उपहार प्रदान गरेको हो ।