रुकुम पश्चिम  । रुकुम पश्चिमको मुसीकोट नगरपालिका वडा नम्बर १ पातुखोलामा शनिबार विहान जिपले मोटरसाइकललाई ठक्कर दिँदा मोटरसाइकल चालक घाइते हुनुभएको छ । त्रिवेणी चोकबाट मठ जादै गरेको लु १ ज १९५७ नम्बरको जिपले कर्णाली प्रदेश ०३– ००१ प ०२६२ नम्बरको मोटरसाइकललाई ठक्कर दिँदा मुसीकोट नगरपालिका वडा नम्बर १ मठका १८ वर्षका दिनेश केसी घाइते भएका छन्

घाइतेको जिल्ला अस्पताल सल्लेमा उपचार भइरहेको र बाँया खुट्टामा भित्री चोट लागेको जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक बखत शाहीले जानकारी दिए ।

उनका अनुसार मोटरसाइकलाई ठक्कर दिने जिप चालक दाङ उपमहानगरपालिका १५ का २८ वर्षीय प्रेमलाल चौधरी रहेको खुलेको छ । ठक्कर दिने जिप मार्फत नै घाइते केसीलाई जिल्ला अस्पताल सल्ले पुर्याएको थियो । घाइतेको अवस्था सामान्य रहेको प्रहरीले जनाएको छ ।।