रुकुम । रुकुमेली विकास केन्द्र रुकुम पश्चिमको १९ औं वार्षिक साधारण सभा तथा ८ औं अधिबेशन सुरु भएको छ । जिल्ला सदरमुकाम मुसिकोट नगरपालिका १ खलङ्गामा साधारणसभा तथा ८ औं अधिबेशन सुरु भएको हो ।

साधारणसभाको उद्घाटन प्रमुख जिल्ला अधिकारी हरीप्रशाद पन्तले गरेका हुन् । साधरण सभामा रुकुमेली समाज विकास केन्द्रका सचिव केसनकुमार क्षेत्रीयालले आर्थिक बर्ष २०८०÷८१ को वार्षिक प्रगति प्रतिवेदन प्रस्तुत गरेका छन् । साधरणसभा तथा अधिबेशनको अहिले बन्दसत्र चलिरहेको छ । बन्दसत्रले नयाँ समिति चयन गर्ने बताइएको छ ।

साधारणसभा तथा अधिबेशनको अवसरमा भुकम्पको बेलामा काम गरेका कर्मचारीहरुलाई सम्मान गरिएको थियो । मुसिकोट नगरपालिकाका प्रमुख महेन्द्र केसीको प्रमुख आतिथ्यतामा भएको उद्घाटन सत्रमा प्रमुख जिल्ला अधिकारी हरिप्रशाद पन्तको विशेष आतिथ्यता रहेको थियो । त्यस्तै जिल्ला प्रहरी प्रमुख, सशस्त्र प्रहरी प्रमुख लगायतको आतिथ्यता रहेको थियो ।

रुकुमेली समाज विकास केन्द्रका अध्यक्ष नरबहादुर लम्सालको अध्यक्षतामा भएको कार्यक्रमको संचालन कार्यकारी निर्देशन नरेन्द्र ओलीले गरेका थिए । स्वागत मन्तव्य उपाध्यक्ष सोभाकर शर्माको रहेको थियो ।