रुकुम पश्चिम  । नेकपा एमाले रुकुम पश्चिमले जिल्लाका सबै पालिकाहरुमा सन्देश भेला गरेको छ । गत चैतमा सम्पन्न ९ औं जिल्ला अधिवेशन मार्फत आएको नयाँ जिल्ला कमिटिले सवै पालिकामा पुगेर सन्देश भेला गरेको हो ।

भेला मार्फत जिल्लामा एमाले एकजुट भएको सन्देश गाउँ, टोल सम्म पुर्याइएको  जिल्ला अध्यक्ष नन्दराम देवकोटाले बताए । पालिकाहरुमा पार्टीको अवस्था, नयाँ जिल्ला कमिटिबाट कार्यक्रताहरुले गरेको अपेक्षा, पालिका तथा वडा अधिवेशनको बारेमा बुझ्न पनि शन्देश भेला गरेको पाटी जिल्ला अध्यक्ष देवकोटाले बताए ।

‘जिल्ला अधिवेशनको बेलामा जिल्ला नेतृत्व चुनावबाट आउँछ, अनि जिल्लामा पार्टी गुडबाट चल्छ की भन्ने भ्रम कार्यक्रतामा थियो, त्यो भ्रम चिर्नको लागि हामि एकजुट भएको सन्देश लिएर पालिकामा हरुमा पुगेका हौ’, अध्यक्ष देवकोटाले भने ।

सन्देश भेला सम्पन्न गरेको एमाले रुकुम पश्चिमले अब पालिका र वडा अधिवेशनको तयारी थालेको छ । सन्देश भेलासंगै पालिकाहरुको अधिवेशनको बारेमा पनि प्रत्येक पालिकाहरुमा छलफल भएको पार्टी जिल्ला सचिव शसिराम नेपालीले बताए ।