रुकुम पूर्व । नेकपा एमालेको आसन्न ११ औं राष्ट्रिय महाधिवेशनका लागी रुकुम पूर्व जिल्ला कमिटीले प्रतिनिधी छनौट सम्पन्न गरेको छ । गत सोमबार प्रकाशित निर्वाचन कार्यक्रम अनुसार सबै प्रक्रिया पुरा गरेर शुक्रबार सर्वसम्मत रुपमा उम्मेदवारहरुको अन्तिम नामावली प्रकाशन गरिएको एमालेको एघारौं राष्ट्रिय महाधिवेशन प्रतिनिधी छनौट, निर्वाचन कमिटीका प्रमुख निर्वाचन अधिकृत अधिवक्ता किरण गौतमले जानकारी दिए ।

गौतमका अनुसार खुलाबाट नन्दलाल शर्मा र बागलाल बुढा, युवाबाट लिलामणी गौतम, महिलाबाट भावना बुढाथोकी र दलितबाट गोपाल प्रसाद सुनारलाई सर्वसम्मत चयन गरिएको छ । एमालेले आफ्नो ११ औं राष्ट्रिय महाधिवेशन यही मंसिर २७ देखी २९ गतेसम्म काठमाडौंमा आयोजना गर्ने तयारी गरिरहेको छ ।