रुकुम पश्चिम  । रुकुम पश्चिमको मुसिकोट नगरपालिका ११ नम्बर वडा स्थीत भलाक्चा स्वास्थ्य चौकीले सुत्केरी हुन आउने आमा र त्यसको कुरुवा एक जनालाई दुई छाक खानाको ब्यबस्था गर्ने भएको छ । भलाक्चा स्वास्थ्य चौकी ब्यबस्थापन समितिको बैठकबाट भलाक्चा स्वास्थ्य चौकीमा सुत्केरी हुन आउने आमा र त्यसको कुरुवा एक जनालाई दुई छाक खानाको ब्यबस्था गर्ने निर्णय गरेको हो ।

मुसिकोट नगरपालिका ११ नम्बर वडा कार्यालयबाट त्यसको सम्पूर्ण खर्च ब्यबस्थापन गर्ने गरी उक्त निर्णय भएको भलाक्चा स्वास्थ्य चौकी ब्यबस्थापन समितिका अध्यक्ष एबं मुसिकोट नगरपालिका ११ नम्बर वडा अध्यक्ष गोविन्द बहादुर बुढाले जानकारी दिए । थोरै लगानीबाट ठुलो सेवा हुने भएकोले यस्तो निर्णय गरिएको अध्यक्ष बुढाको भनाई छ ।

उनका अनुसार भलाक्चा स्वास्थ्य चौकीमा सुत्केरी हुन नसकी जिल्ला अस्पताल सल्ले रिफर हुनुपर्ने भएमा त्यस्ता गर्भवती महिलालाई नगरपालिकाले निशुल्क एम्बुलेन्सको समेत ब्यबस्था गरेको छ ।।