रुकुम । सिस्ने गाउँपालिका– ६ बाहुनडेराका राजन गौतमको दैनिकि विद्युतिय सामाग्रि मर्मतमै वित्ने गर्छ । उनको जिल्ला सदरमुकाम सिस्ने गाउँपालिका– ६ छिप्रिदहमा मोवाइल सेन्टर छ । गौतम मोवाइल सेन्टर संचालन गरेर उनले राम्रो आम्दानी गरिहेका छन् । उनलाई मोवाइल लगायत इलेक्ट्रोनिक सामान बनाउन भ्याइनभ्याइ छ ।

गौतम प्रत्यक दिन विहान ८ वजे आफ्नो पसलमा कामको लागि पुग्छन् । राती ९ वजे मात्रै काम गरेर घर फर्किन्छन् । उनको प्रत्यक दिन मोवाईल, ल्याप्टप, कम्पुटर, टि.भि, रेडियो जस्ता विद्युतिय सामाग्रि मर्मतमा वित्ने गर्छ ।

‘१६÷१७ बर्षको उमेर देखिनै मलाई विद्युतिय समान मर्मत गर्न इच्छा जागेको हो । मैले विद्युतिय सामाग्री वनाउन खुव चासो लिने गर्थे । सोहि उमेरमा नै ति सामाग्रि मर्मतको काम सिकेको हुँ ।’, उनले भने । आफुले रोजेको पेसामा रमाउन पाउदा निकै खुसि लागेको उनको भनाई छ ।

‘समय अनुसारको पेसा व्यवसायमा आवद्ध हुन पाउदा म अत्यन्त खुसि र सन्तुष्ट छु । आफ्नै ठाउँमा यत्ति गरे पछि विदेशमा गएर काम गर्नु पर्छ भन्ने पनि छैन । म देशमै आफुले सिकेको र जानेको सिप अनुसारको काम गर्दा आनन्द मिलेको छ ।’, उनले भने । विदेश जानै परे भने पनि आफ्नो कार्यक्षेत्रको ज्ञाण हासिल गरेर विदेश जाने उनले सुनाए ।

अहिले विद्युतिय सामाग्रिको प्रयोग, माग पनि बढ्दै गएकाले यस्ता सामाग्रि मर्मतको पेसा आम्दानीको राम्रो स्रोत भएको उनको भनाई छ । सिप सिकेर आफ्नै देशमा केहि गर्न सके विदेशमा पसिना बगाउन नपर्ने उनले बताए । विद्युतिय सामान मर्मतमा आफ्नो राम्रो अनुभव भएको बताउदै सिक्नेहरुलाई पनि सिकाउने उनको भनाई छ ।।