रुकुम । रुकुम पश्चिमको आठिबिसकोट नगरपालिका वडा नम्बर ९ को राडीमा जारी ३० औँ चौतारा मेलाको अवसरमा आयोजित भलिबलमा पुरुष तर्फ उपाधि टिम आदित्य बाँसथलाले जितेको छ । भने महिला तर्फ आयुष–चूडामणि टिमले जितेको छ ।

बिहीबार आज भएको फाइनलमा रुकुम पश्चिम भलिबल प्रशिक्षण केन्द्रलाई ३–२ को सेटमा पराजित गर्दै टिम आदित्य बाँसथलाले उपाधि जितेको हो ।

उसले कप सहित ३ लाख ३ हजार ३ सय ३३ रुपैयाँ नगद हात पारेको छ । उपविजेता रुकुम पश्चिम भलिबल प्रशिक्षण केन्द्रले २ लाख २ हजार २२ रुपैयाँ सहित कप प्राप्त गरेको आयोजक चौतारा मेला व्यवस्थापन समितिका अध्यक्ष दिलीप बटालाले जानकारी दिए ।

उनका अनुसार प्रतियोगितामा टिम बटाला तेस्रो भएको छ । आयोजकलाई पराजित गर्दै तेस्रो भएको बटालाले कप सहित ७५ हजार ५ सय ५५ रुपैयाँ हात पारेको छ ।

त्यस्तै महिला भलिबलको उपाधि आयुष–चूडामणि टिमले जितेको छ । आज भएको फाइनलमा रुकुमपश्चिम भलिबल प्रशिक्षणकेन्द्रलाई २–१ को सेटमा पराजित गर्दै रुकुम पश्चिमकै आयुष- चूडामणिटिम महिलातर्फ विजेताबनेकोहो । वेस्ट अफथ्रीमा सञ्चालित फाइनलको पहिलो सेट रुकुमपश्चिम भलिबल प्रशिक्षणकेन्द्रले २५–२० लेजितेको थियो ।

राष्ट्रिय खेलाडी प्रगति नाथ, सुमित्रा रेग्मी लगायतका खेलाडी सम्मिलित आयुष–चूडामणि टिमलाई दबाबमा राख्दै रुकुम पश्चिम भलिबल प्रशिक्षण केन्द्रले पहिलो सेट जित्न सफल भएको थियो । तर त्यसपछि भने पुनरागमन गर्दै आयुष–चूडामणि टिमले लगातार दुई सेट जित्दै उपाधि हात पार्न सफल भएको हो ।

उपविजेता रुकुम पश्चिम भलिबल प्रशिक्षण केन्द्रले कप र नगद १ लाख १ हजार १ सय ११ रुपैयाँमा चित्त बुझाएको छ ।।