रुकुम पश्चिम । आठविसकोटमा आयोजित पर्यटन, व्यापार तथा साँस्कृतिक महोत्सवमा आज हास्यकलाकारद्धय सिताराम कट्टेल (धुर्मुस) र कुञ्जना घिमिरे (सुन्तली)को धमकेदार प्रस्तुती भयो । अगामी वैशाख २ गतेसम्म चल्ने महोत्सवमा भोली (शुक्रबार) कृष क्षेत्री आउने बताईएको छ ।

यही चैत २२ गतेबाट सुरु भएको महोत्सवमा कलाकारहरुको प्रस्तुतीमा रमाउनका लागी हरेक दिन हजारौंको संख्यामा दर्शकहरु आईरहेको आयोजक संस्था कला, संस्कृती, पर्यटन प्रवद्धन मञ्चका अध्यक्ष डिल्ली परियारले बताए । दर्शकहरुको उत्साहजनक उपस्थितीले हामीलाई खुसी बनाएको छ । उनले भने यसका साथै महोत्सवमा कृषी, पर्यटन तथा व्यापारको पाटोमा पनि दर्शकहरुको राम्रो साथ पाईरहेका छौ ।

आठविसकोट समृद्धीको आधार, कला, संस्कृती, कृषी, पर्यटन, उद्योग र व्यापार भन्ने मुल उद्घोषका साथ यही चैत २२ गतेबाट सुरु भएको महोत्सव अगामी वैशाख २ गतेसम्म संचालन हुनेछ ।