रुकुम साहित्यमालाको ११५ औं श्रृङखला सम्पन्न
रुकुम साहित्यमालाको ११५ औं श्रृङखला सम्पन्न
रुकुम पश्चिम । रुकुम साहित्यमालाको १ सय १५ औं श्रृङखला सम्पन्न भएको छ । अन्तराष्ट्रिय पुस्तक दिवसको अवसरमा आज मुसिकोट नगरपालिकामा कार्यक्रम सम्पन्न भएको हो ।
जनविकास पुस्तकालयका उपाध्यक्ष नारायणप्रसाद शर्माको अध्यक्षता भएको कार्यक्रममा विभिन्न स्रष्टाहरूले रचना वाचन गर्नुभएको थियो । कार्यक्रममा राप्ती साहित्य परिषद् जिल्ला शाखा रुकुम पश्चिमका अध्यक्ष मनलाल ओली, प्रगतिशील लेखक सङ्घ रुकुम पश्चिमका अध्यक्ष खेमराज खड्का, राप्ती साहित्य परिषद् जिल्ला शाखा रुकुम पश्चिमका सचिव तथा जनविकास पुस्तकालयका सह-सचिव ओमबहादुर खत्री लगायतको आतिथ्यता रहेको थियो ।
