रुकुम पश्चिम । नेकपा (एमाले) मुसिकोट नगर कमिटीको अध्यक्षमा गोकर्ण खड्का चयन भएका छन । जिल्ला पार्टी कार्यालय बागबजारमा आज आयोजित दोश्रो नगर अधिवेशनले खड्कालाई अध्यक्षमा चयन गरेको हो ।

अधिवेशनबाट खड्काको अध्यक्षतामा ३९ सदस्यीय नगर कमिटी सर्वसम्मत चयन गरिएको अध्यक्ष मण्डलका संयोजक गणेश केसीले बताए । कमिटीको उपाध्यक्षमा तुलाराम खड्का, सचिवमा एकराज पाण्डे र उपसचिवमा हुकुम कुमारी केसी थापा र अमर बहादुर खड्का चयन भएको पनि केसीले जानकारी दिए ।

आज उद्घाटन गरिएको नगर अधिवेशनको उद्घाटन भएको थियो । उद्घाटन पछिको बन्दसत्रले नयाँ कमिटी चयन गरेको हो । १ सय २४ जना प्रतिनिधी रहेको अधिवेशनमा पार्टीका केन्द्रीय सल्लाहकार गोबिन्द केसी, कर्णाली प्रदेश कमिटी सदस्य तथा मुसीकाेट नगर इन्चार्ज कर्ण बहादुर वली, प्रदेश कमिटी सदस्य सदस्य रचना  मल्ल, प्रदेश कमिटी सदस्य सदस्य शिव रमाइली र  जिल्ला अध्यक्ष नन्दराम देवकोटा, उपाध्यक्ष मनबिर घर्ती, सहसचिवद्धय ब्युझना पुन देवकोटा र तिलक वस्नेत एवम्  कर्णाली प्रदेश सभा सदस्य तुलसा मल्ल लगायतको आतिथ्यता रहेको थियो ।