रुकुम पश्चिम ।  अखिल नेपाल राष्ट्रिय स्वतन्त्र विद्यार्थी युनियन (अनेरास्ववियू) रुकुम पश्चिमको बैठक सम्पन्न भएको छ । जिल्ला अध्यक्ष देवेन्द्र मल्लको अध्यक्षतामा बैठक सम्पन्न भएको हो । बैठकले पालिका इञ्चार्ज तोकेको सचिव लोकेश मल्लले जानकारी दिए ।

बैठकले विद्यालयहरुमा संगठन विस्तारको अभियान संचालन गर्नको लागि पालिका इञ्चार्ज र विभिन्न विभागहरु गठन गरेको उहाँको भनाई छ । आठविसकोट नगरपालिकाको इञ्चार्जमा कपिल शर्मा, मुसिकोट नगरपालिकाको इञ्चार्जमा कुबेरजंग खत्री, चौरजहारी नगरपालिकाको इञ्चार्जमा प्रतिप डाँगी, त्रिवेणी गाउँपालिकाको इञ्चार्जमा मनिषा शर्मा, सानीभेरी गाउँपालिकाको इञ्चार्जमा दिपक ओली र बाँफिकोट गाउँपालिकाको इञ्चार्जमा प्रेम खत्रीलाई जिम्मेवारी तोकिएको छ ।

त्यस्तै आजको बैठकले विभिन्न विभागको जिम्मेवारी पनि बाँडफाड गरेको छ । संगठन विभाग प्रमुखमा सचिव लोकेश मल्ल, प्रचारप्रशार विभागमा कुबेर केसी र आर्थिक विभाग मनिषा शर्मालाई जिम्मेवारी दिइएको सचिव मल्लले जानकारी दिए ।

नेकपा एमाले जिल्ला प्रचार बिभाग प्रमुख जीवन खडकाको प्रमुख आतिथ्यता र अखिलका केन्द्रिय सदस्य प्रकास खडकाको विषेश आतिथ्यतामा भएको बैठकको सञ्चालन सचिव लोकेश मल्लले गरेका थिए ।