रुकुम पूर्व । नेकपा एमाले पुथाउत्तरगंगा गाउँपालिका कमिटीको दोस्रो अधिवेशन शनिबार उद्घाटन भएको छ । वडा १० तकसेरामा आयोजित उद्घाटन कार्यक्रममा माओवादी केन्द्र र कांग्रेसबाट गरी २० जना नेता–कार्यकर्ताले एमाले प्रवेश गरेको छन् ।

एमालेका पोलिटब्युरो सदस्य खेममान खड्काको प्रमुख अतिथ्यतामा भएको कार्यक्रममा पुथाउत्तरगंगा–३ मा माओवादीका तर्फबाट निर्वाचित पुर्व वडा सदस्यद्धय मनपुर विक र सलफिरी बुढा तथा पुथाउत्तरगंगा–९ का माओवादी कार्यकर्ता अम्मर सेन तथा नेपाली कांग्रेसबाट थकी थकाली बुढा लगाएत २० जनाले एमाले प्रवेश गरेको जिल्ला अध्यक्ष लिलामणी गौतमले जानकारी दिए ।

नवप्रवेशीहरुलाई प्रमुख अतिथी खड्का, प्रदेश कमिटी सचिवालय सदस्य निर्माण बुढा तथा जिल्ला अध्यक्ष गौतमले पार्टीमा स्वागत गर्दै पार्टीको झण्डा हस्तान्तरण गरेका थिए ।

अधिवेशनको उद्घाटन पश्चात अहिले वन्द शत्र जारी छ । राजनीतिक, सांगठनिक तथा आर्थिक प्रतिवेदन उपर छलफल भैरहेको बताउदैं लेखा समिती संयोजक चिन्तामणी दाहालले बन्द शत्रबाट आजै नयाँ नेतृत्व चयन हुने बताए ।