राडी जाने सडकको विभिन्न ठाउँमा खसेको पहिरो हटाइयो

रुकुम । शनिबार राति परेको बर्षाका कारण रुकुम पश्चिमको आठविसकोट नगरपालिकाको राडि जाने अवरुद्ध भएका सडक खुलेका छन् । आज विहानै देखि नगरपालिकाले अवरुद्ध सडक खुलाएको हो ।

नगरपालिकाको धुर्सेनी, टारखोला, गत्तसैना, चिसापानी, भल्मा खोला लगायतका ठाउँमा झरेको पहिरो हटाइएको नगरपालिका प्रखुख रवि केसीले जानकारी दिए ।

आज दिनभर स्काभेटार, ब्याकोलोडरको प्रयोग गरेर नेपाल प्रहरी नगर प्रहरी र स्थानीयको सक्रियतामा विभिन्न ठाउँमा खसेको पहिरो हटाइएको हो । अहिले रिम्ना, चिसापानी राडि सडक खण्डमा यातायातका साधनहरु संचालन भैरहेका छन् ।।