रुकुम । रुकुम पूर्वमा श्रीमतीको हत्या गरेको आरोपमा एक युवा पक्राउ परेका छन् । भूमे गाउँपालिका वडा नम्बर ६ निवासी २७ वर्षीय जीवन ओलीलाई श्रीमती हत्याको आरोपमा प्रहरीले पक्राउ गरेको हो ।

जीवनको २५ वर्षीय श्रीमती अप्सरा ओलीको शुक्रबार घाँटी देखेर हत्या भएको थियो । श्रीमतीको हत्या गरेर श्रीमान जीवन फरार रहेको हुन सक्ने प्रहरीले आसंका गरेको थियो । अस्थायी प्रहरी पोस्ट महतबाट प्रहरी सहायक निरीक्षक बाबुराम भट्टराईको नेतृत्वमा खटिएको प्रहरी टोलीले आज फरार जीवन ओलीलाई भुमे गाउँपालिका वडा नम्बर ६ र ७ को बीचमा पर्ने मम्फु खोला नजिक जंगलबाट पक्राउ गरेको हो ।

उनको साथमा रहेका पाँच वर्षका छोरा आयुष ओलीलाई पनि प्रहरीले फेला पारेको जनाएको छ । फरार ओलीलाई पक्राउ गरी जिल्ला प्रहरी कार्यालय ल्याइएको र अनुसन्धान सुरु गरिएको प्रहरीको भनाइ छ ।