रुकुम पश्चिम  । नेकपा (एमाले) मुसिकोट नगरपालिकाले वडा अधिवेशनलाई तिव्रता दिएको छ । जेठ १५ गतेको नगर कमिटिको बैठकले वडा अधिवेशन गर्ने निर्णय गरे अनुसार एमाले मुसिकोट नगरपालिका कमिटि वडा अधिवेशनमा लागेको हो ।

२१ गते देखि वडाहरुमा अधिवेशन चलिरहेको मुसिकोट नगर कमिटि अध्यक्ष गोकर्ण खड्का जानकारी दिए । अहिले सम्म ६ वटा वडामा अधिवेशन सम्पन्न भैसकेकाे छ। बुधबार आज वडा नम्वर ९ र ११ को अधिवेशन सम्पन्न भएको नगरकमिटि अध्यक्ष खड्काले जानकारी दिए ।

वडा नम्वर ९ मा जीवन ओलीको अध्यक्षतामा ११ सदस्यीय वडा कमिटि निर्माण भएको छ । त्यस्तै वडा नम्वर ११ मा नवचन्द्र ओलीको अध्यक्षतामा ९ सदस्यीय वडा कमिटि निर्माण भएको नगर कमिटि अध्यक्ष खड्काकाे भनाइ छ ।

त्यस्तै वडा नम्वर २ मा मदन खड्काको अध्यक्षतामा १३ सदस्यीय, वडा नम्वर ५ मा बमकुमारी ओली केसीको अध्यक्षतामा ९ सदस्यीय, वडा नम्वर ७ मा हुकुमबहादुर पाण्डेको अध्यक्षतामा १९ सदस्यीय र वडा नम्वर १० मा मनिराम कुवँरको अध्यक्षतामा ७ सदस्यीय वडा कमिटि गठन भैसकेकाे छ । जेठ अन्तिम सम्म सवै वडाको अधिवेशन सकिने बताइएको छ ।

वडा अधिवेशनमा प्रदेश कमिटि सदस्य कर्ण ओली, रचना मल्ल, नगर पालिकाकमिटि अध्यक्ष गोकर्ण खड्का, वडाका इञ्चार्जहरु लगायतको सहभागिता रहेको थियो ।।