रुकुम पूर्व । नेकपा एमाले रुकुम पूर्वको शुक्रबार सम्पन्न ९ औं जिल्ला अधिवेशनबाट अध्यक्षमा सर्वसम्मत निर्वाचित भएका लिलामणी गौतम अहिलेसम्म भएका जिल्ला अध्यक्षहरुमध्ये सबैभन्दा कम उमेरमा अध्यक्ष हुने व्यक्ति भएका छन् । हालसम्म देशभरी सम्पन्न भएका जिल्ला अधिवेशनबाट निर्वाचित अध्यक्षहरुमध्ये गौतम सबैभन्दा कम उमेरका अध्यक्ष भएको नेकपा एमालेका केन्द्रिय संगठन विभाग सचिव माधव ढुंगेलले पुष्टी गरेका छन् ।

वि.सं. २०४४ साल कार्तिक २ गते सिस्ने गाउँपालिका वडा नं. ६ रुकुमकोटमा जन्मिएका गौतम अहिले ३६ बर्षका भए । त्रिभुवन विश्वविद्यालयबाट ग्रामिण विकास र जन प्रशासन गरेर दुईवटा बिषयमा स्नातकोत्तर गरेका उनले नेपाल ल क्याम्पसबाट कानुन बिषयमा स्नातक समेत गरेका छन् ।

वि.सं. २०६० सालमा एमालेको पार्टी सदस्यता लिएका गौतम विद्यार्थी संगठन हुदैं राजनीतिमा आएका हुन् । वि.सं. २०५६ सालमा अनेरास्ववियुको रुक्मिणी माध्यामिक विद्यालयको प्रारम्भिक कमिटीका सचिव भएर विद्यार्थी राजनीतिमा लागेका उनि २०५७ सालमा सोही विद्यालयको प्रारम्भिक कमिटीको अध्यक्ष बने ।

यसपछी गौतम २०५८ सालमा अनेरास्ववियु रुकुम जिल्ला कमिटीको सदस्य, २०५९ सालमा जिल्ला कमिटी सचिव र २०६० सालमा जिल्ला अध्यक्ष भएर आफ्नो कार्यकुशलता प्रदर्शन गरेका थिए । २०६३ सालको स्वतन्त्र विद्यार्थी युनियनको निर्वाचनमा महेन्द्र वहुमुखी क्याम्पस दाङबाट सदस्यमा निर्वाचित भएका उनी २०६२÷०६३ सालको जनआन्दोलनमा संयुक्त विद्यार्थी मोर्चाको घोराही संयोजक र सोही क्रममा गिरफतारिमा परेर २१ दिन प्रहरी हिरासतमा समेत बस्नुपरेको थियो ।

वि.सं. २०६३ देखी २०६७ सालसम्म अनेरास्ववियु केन्द्रिय कमिटी सदस्यका साथै सचिवालय सदस्य तथा राप्ती अञ्चल ईन्चार्ज भएका गौतमसंग २०६८ देखी २०७३ सालसम्म नेकपा एमाले रुकुम-काठमाडौं सम्पर्क मञ्चमा रहेर समेत काम गरेको अनुभव छ ।

रुकुम जिल्ला पूर्व र पश्चिम गरी दुई भागमा विभाजन भएपछी वि.सं. २०७४ सालमा नेकपा एमाले जिल्ला सदस्य भएर पार्टी राजनीतिमा होमिएका गौतम तत्कालिन समयमा एमाले र माओवादी केन्द्र बिच एकता भई बनेको नेपाल कम्युनिष्ट पार्टी (नेकपा) को रुकुम पूर्व जिल्ला कमिटी सदस्य समेत भए ।

यसपछी फेरी नेकपा विभाजन पश्चात गौतमले नेकपा एमाले रुकुम पूर्वको जिल्ला कमिटी सचिवको जिम्मेवारी सम्हाल्ने अवसर पाए । यो संगै उनी लुम्बिनी प्रदेश कमिटी सदस्यको जिम्मेवारीमा पनि रहे । एमालेको दशौं राष्ट्रिय महाधिवेनमा रुकुम पूर्वबाट खुल्ला क्षेत्रबाट प्रतिनिधी समेत भएका उनि पछिल्लोपल्ट सम्पन्न भएको एमाले लुम्बिनी प्रदेशको प्रथम अधिवेशनबाट युवाहरुको प्रतिनिधित्व गर्दै प्रदेश कमिटी सदस्यमा निविरोध निर्वाचित समेत भए ।

विद्यार्थीकालदेखी यहाँससम्म आईपुग्दा निरन्तर संगठिन भएर काम गरेको करिब २४ बर्षपछी रुकुम पूर्वको एमाले हाक्ने महत्वपुर्ण जिम्मेवारी गौतमको काधमा आईपुगेको छ । यसअघि उल्लेखित बिभिन्न जिम्मेवारीमा रहेर काम गरेका अध्यक्ष गौतमसंग रुकुम पूर्वको भुगोल, भाषा, संस्कृती र यहाँका जनमनका माग र आवश्यकताबारे राम्रो ज्ञान छ । यस बिचमा बिभिन्न सामाजिक संघ–संस्थामा आवद्ध भएर समेत काम गरेका अध्यक्ष गौतमले जनताका समस्यालाई आफ्नै ठानेर समाधानका लागी होमिएका कयौं उदाहरण छन् ।

नेकपा (एमाले)को जिल्ला अध्यक्षको जिम्मेवारीमा आएपछी अब उक्त कामले थप गति लिने भन्दै अध्यक्ष गौतमले आफु जनताको सेवामा थप डटेर लाग्ने प्रतिवद्धता समेत व्यक्त गरे । ‘यहाँका जनताका दुःख, अभाव, पिर अनि पिडाका बारेमा मलाई राम्रो संग ज्ञान छ । र त्यसको समाधान कसरी गर्न सकिन्छ भनेर पनि मलाई थाहा छ । यसकारण यो कामलाई म थप व्यवस्थित गरेर अघि बढ्छु ।’ उनले भने, ‘म जहाँ जुन जिम्मेवारीमा भएपनि अन्ततः जनसेवा नै मेरो लक्ष्य हो । यसकारण म यसैमा केन्द्रित हुनेछु ।’

रुकुम पूर्वमा भएका यसअघिका निर्वाचनमा एमालेको पक्षमा प्राप्त मतपरिणमलाई बढाएर जिल्लाको पहिलो पार्टी बनाउन पनि आफ्नो टिमले काम गर्ने प्रतिवद्धता गौतमको छ । उनि भन्छन्, ‘जिल्लाका तिन वटै पालिकामा बहुमत सहित सरकारको नेतृतत्वमा एमालेलाई पु¥याएर जिल्लाको पहिलो र सबैको आशा एवम् भरोसाको पार्टी बनाउन हामी लाग्नेछौं ।’