रुकुम पश्चिम । रुकुम पश्चिमको मुसीकोट नगरपालिका-१ छिङका तुलसिराम बोहोराले विपन्न परिवारलाई स्वास्थ्य विमा गरिदिएका छन् । छिङका विपन्न ६ घर परिवारलाई आज स्वास्थ्य विमा गरिदिएका हुन् ।

विमाबाट ६ घर परिवारका ३० जनाले स्वास्थ्य विमाको सेवा पाउने बोहोराले जानकारी दिए । दर्शन परियार, ओईली दमाई, सिता कामी, सिता चन्द बोहोरा, पदम कामी र लिला विष्टको परिवारको लागि विमाको एक बर्षको शुल्क व्यहोरेको उनको भनाई छ ।

नि:शुल्क स्वास्थ्य बीमा पाएपछी लावान्वित पिरवारले खुसी व्यक्त गरेका छन् ।  सिता कामीले खुसी हुदैं भनिन्, ‘हामी जस्ता निम्न आए भएकालाइ उपचारका लागी बीमा गरिदिनुभयो  । हामी एकदम खुसी छौं ।’  जम्मा ६ घर परिवारका ३० जनाले ३० लाख रुपैंयाको स्वास्थ्य विमा बापतको सेवा पाउने बताईएको छ ।